به‌شداری PDKI له که‌مپه‌ینی براین مۆرن بۆ فه‌رمانداری ڤیرجینیا له ئه‌مریکا

ئاپریلی 12، 2008

واشنگتۆن – له سه‌ر بانگهێشی فه‌ڕمی ستافی براین مۆڕن شاندێکی PDKI  له ئه‌مریکا به‌شداری له که‌مپه‌ینی هه‌لبژاردنی ناوبراو بۆ فه‌رمانداری ئیاله‌تی ڤیرجینیا له به‌یانه‌خوانێکدا کرد.

شاندی PDKI که پێکهاتبوون له هاوڕێیان شه‌ریف بێهروز نوێنه‌ری PDKI  له ئه‌مریکا و عه‌لی قادری به‌رپرسی کومیته‌ی حیزب له ئه‌مریکا، له نێوئاخنی به‌یانیخوانه‌که‌دا چاوییان به زۆر که‌سایه‌تی و سیاسه‌تڤانی ئه‌مریکایی که‌وت و دۆخێ ناوچه‌یان تاوتۆی کرد.

براین مۆڕن Brian Moran سه‌رۆکی ئێستای لێژنه‌ی مه‌جلیسی دێموکراته‌کان له ئیاڵه‌تی ڤیرجینیایه‌ و به ته‌مای وه‌رگرتنی پۆستی فه‌رمانداری دایه که هه‌ڵبژاردنه‌که‌ی له ساڵی داهاتوودا به‌ڕێوه‌ ده‌چێ.

له‌م کۆبوونه‌وه‌دا گه‌لێک ئه‌ندامی کۆنگرێس و سنای ئه‌مریکا به‌شدار بوون که شاندی حیزب چاوی پێکه‌وتن.