سه‌ردانی به‌رێز نه‌سرین قاسملوو

رۆژی سێ شه‌ممه‌ 150408 کاتژمیر12:30 هه‌یئه‌تێک له‌ یه‌کیتی ژنانی دیموکراتی کوردستانی ئێران له‌ گه‌ڵ هه‌یئه‌تێکی کومیته‌ی حدکا چوونه‌ فرۆکه‌خانه ی‌ ئوسلۆ بۆ پێشوازی له‌ یادگارو خێزانی رێبه‌ری شه‌هیدمان ماموستای دێموکراسی دوکتور قاسملووی نه‌مڕ خوشکه‌ نه‌سرین قاسملوو. هه‌ر بۆ رێزلێنان له‌ به‌رێز نه‌سرین قاسملوو رۆژی پێنج شه‌ممه‌ 17.04.08  کوبونه‌وه‌یه‌کی سێ سه‌عاتی له‌ چوار چێوه‌ی دیدار و چاوپێکه‌وتن له‌ نێوان ئه‌ندامانی حدکا به‌ گشتی و یه‌کێتی ژنانی دێموکراتی کوردستانی ئێران به‌ تایبه‌تی له‌ نیزیک شاری ئوسلۆ له‌ سترۆمێن پێک هات . سه‌ره‌تا له‌ لایان یه‌کیتی ژنانی دیموکراتی کوردستانی ئێران و کومیته‌ی حدکا به‌ گه‌رمی به‌خێرهاتنی ناوبراو کرا.

پاشان له‌م دیدار و چاو پێکه‌وتنه دا‌ خاتوون نه‌سرین قاسملوو ئاماژه‌ی به‌ کۆمه‌ڵێک مه‌سایل له‌ پێوندی له‌ گه‌ڵ مافی یه‌کسانی نێوان ژن و پیاو له‌ کومه‌ڵ دابه‌ گشتی و خه‌بات بۆ ئازادی له‌ پێناو گه‌یشتن به ژیانیکی به‌خته‌وه‌رانه‌ که‌ شایانی نه‌ته‌وه‌ی کورده‌ کرد .

ته‌وه‌رێکی دیکه‌ی کوڕه‌که‌ بریتی بوو له‌ پرسیاری به‌شداران که‌ خاتوون نه‌سرین قاسملوو به‌و په‌ری خوشه‌ویستیه‌وه‌ ولامی به‌شدار بوانه‌ی داوه‌ که‌ کۆمه‌ڵیک خاتره‌و بیرو هزری قاسملووی هه‌میشه‌ زندووی بۆ کۆڕکه‌ ژیانده‌وه‌ که‌ ‌له‌ گه‌ڵ پیشوازیکی گه‌رمی به‌شدار بوان و رێبوارانی دوکتور قاسملووی نه‌مر به‌ره‌و روبوو.

پیویسته‌ بگوترێ له‌ کۆتای ئه‌و دیدار و چاو پێکه‌وتنه‌دا به‌شدارانی ئه‌م کۆڕه‌ ‌ به‌ چه‌پکه‌ گۆلی خوشه‌ویستی و وێنه‌ کێشان له‌ ته‌نیشت یادگاری رێبه‌ری شه‌هیدیان  هه‌ست و سوزی خویانیان به‌رامبه‌ر به‌ ئه‌مه‌گناسی و فیداکاری خاتون نه‌سرین قاسملو بۆ کوردستان و حدکاپێشکه‌ش کرد .

  یه‌کیتی ژنانی دێموکراتی کوردستانی ئێران له‌ ولاتی نوروێژ