دیدار و چاوپێکه‌وتن

رۆژی شه‌ممه‌ رێکه‌وتی  2008-04-26  شاندێکی سازمانی خه‌باتی کوردستانی ئێران  که‌ بریتی بوون له‌ به‌رێزان، عه‌بدوڵا قادری به‌رپرس ، مه‌حمود یوسفی به‌رپرسی په‌یوه‌ندیه‌ کوردستانیه‌کان، سه‌ردانی ده‌فته‌ری حیزبی دێمۆکراتی کوردستانی ئێرانیان له‌ نوروێژ کرد.

له‌ لایه‌ن شاندی حیزبه‌وه‌  به‌ڕیزان ساڵح وه‌لیزاده‌ ، گه‌لاوێژ محه‌ممه‌دی پێشوازی گه‌رمیان لێکرا،  سه‌ره‌تا له ‌لایه‌ن  خاتوو گه‌لاوێژ  به‌خێرهاتنی گه‌رمی ‌ شاندی مێوان کرا پاشان کاک ساڵح باسێکی تێر و ته‌سه‌لی له‌سه‌ر وه‌زعی کوردستان و ئێران کرد ، هه‌روها سه‌باره‌ت به‌ هاوکاری کردنی هه‌ردوو لا بۆ به‌ره‌و پێش چوونی هه‌رچی زیاتر پێشکه‌ش کرد.

پاشان کاک عه‌بدوڵا سووپاس و خۆشحاڵی خۆیانی به‌نیسبه‌ت ئه‌و پێشوازی لێ کردنه‌ ده‌ربری، هه‌روه‌ها جه‌نابیان ئیشاره‌یان به‌هاوکاری و هاو خه‌باتی له‌گه‌ڵ حیزبی دێمۆکراتی کوردستانی ئێران دووپات کرده‌وه‌ و په‌پێوێستی زانی له‌وه‌ به‌دوا هاوکاری و هاوپه‌یوه‌ندی قوورس و قایم پێک بێنن بۆ به‌ره‌و پێش چوونی کاره‌کانیان .

شایه‌نی باسه‌ کۆبونه‌وه‌که‌ یه‌ک کاتژمێر و نیووی خایا‌ند.

حیزبی دێمۆکراتی کوردستانی ئێران ، نۆروێژ

په‌یوه‌ندیه‌ کوردستانیه‌کان.